《位元堂醫師生活小貼士》三招踼走黑眼圈

《位元堂醫師生活小貼士》

唔想一年365日都哈囉喂
三招踼走黑眼圈 + 嚇鬼殘樣!
—————————————————————————–

嘩嘩嘩哈囉喂殺到埋黎!

經過一連串嘅狂歡派對,又飲又食又夜瞓,連妝都唔駛化就似足隻嘩鬼啦!唔想日日個樣恐怖過屍殺列車班喪屍,記得用以下3招急救飽受摧殘嘅身體喇!

1.暖水袋敷眼

眼係靈魂之窗,有咩殘得過又黑又浮腫嘅「黑眼袋」。所謂黑眼圈,其實是因眼睛周圍皮膚的毛細血管的血液流動受到阻礙。因為血液流動緩慢,血液內的氧氣消耗殆盡,缺氧血紅素比例就會大增。從外表看來,就會變成暗藍色調。愈是夜瞓和體質差,舊血屯積得愈多,所以黑眼圈就愈犀利。

如果真係冇足夠休息時間畀血液更替,咁就要用人工方法幫手。平日睡前可以用暖水袋或者暖茶包響眼袋位置暖敷十分鐘,等眼睛附近血管擴張,加速新鮮血液進入微絲血管。朝早起身之後,再用掌心慢慢在眼袋位置打圈按摩,就可以再進一步刺激血管內血液流動,咁黑眼圈就散得快啲啦。

2.豐富健康的早餐

西方有句諺語:You are what you eat。食物提供能量和養份,這正正就是身體從過度虛損中補充調節最重要的一環。衛生署調查顯示有三成香港人不吃早餐,就算有早餐習慣的,往往都只係購買無益的連鎖快餐食品。但可知道一頓豐富健康的早餐,先至係消除疲勞最有效的良方。

咁係咪食番餐豐富嘅早餐就夠?當然唔只咁簡單啦。想要快速回覆體力,重點係食啲乜嘢。例如朝早飲太多咖啡其實會有反效果,因為疲勞係身體響起的警號,告訴自己應該慢慢休養生息。如果因為咖啡因帶來的亢奮而若無其事咁搏殺工作,當興奮效力消退之後,個人只會更加疲累。最好的早餐飲品其實係簡單一杯鮮搾果汁,裡面有大量維生素,果糖又容易被吸收,個人都醒神啲啦。

仲有,白粥油炸鬼鬆餅一類嘅食物含有好高的熱量,消化系統須要花費好多工夫先至可以分解咁肥膩的食物,變相減慢咗提供畀身體既能量。相反,麥皮、栗米片一類富碳水化合物的食品,配以含蛋白質的鮮奶,先至係養生補氣嘅良方妙藥。

3.保健品

有時通一晚頂,真係瞓返三日都補唔番。冇精神、病厭厭響中醫角度其實係腎臟過度虛耗,而腎臟負責為身體同大腦提供精力,當個腎過度透支,就好難一時三刻叉番電。所以想即刻生猛番哂,就需要從根源出發,快快補番個腎。

巿面上有好多中醫藥保健品可以調理腎虛,不過識得食,一定係食享負盛名的冬蟲夏草。蟲草能夠補肺益腎,而所蘊含的腺苷仲可以改善新陳代謝,話咁快回復最佳狀態。其實蟲草並唔係大家想像中咁昂貴,選擇老牌子的野生蟲草,燉煲湯都只係二三百蚊,做個Facial都唔夠啦。想方便啲嘅朋友又可以試吓用蟲草磨粉,簡單沖水送服,就更能攝取蟲草嘅豐富營養㗎喇。